მიიღე, განივითარე და წარმოაჩინე ცოდნა სოფლის მეურნეობაში

წარმოდგენილი აგრო-ტესტირების ელექტრონული პლატფორმა შექმნილია "საქართველოს აგრარიკოსთა მოძრაობის" მიერ, USAID/REAP პროექტის ფინანსური და პროფესიული მხარდაჭერით.

აგრო-ტესტირების პლატფორმის  მთავარი მიზნებია:

• აგრარულ დარგებში არაფორმალური პროფესიული განათლების ხელშეწყობა
• სოფლის მეურნეობის დარგში არსებული თანამედროვე  ტექნოლოგიების შესახებ ინფორმაციაზე ხელმისაწვდომობა
• სოფლის მეურნეობის სპეციალისტების და დამსაქმებლების ერთმანეთთან დაკავშირება

ტესტებში წარმოდგენილი კითხვები შედგენილი და სორტირებულია დარგის შესაბამისი მიმართულებების ექსპერტების და მეცნიერების მიერ. კითხვების შინაარსი მაქსიმალურად არის მოყვანილი შესაბამისობაში პროფესიული განათლების მიმართულებით არსებულ სასწავლო მოდულებთან და პროგრამებთან.

ამ ეტაპზე, აგროტესტირების ელექტრონული პლატფორმა მოიცავს სოფლის მეურნეობის დარგის 12 ყველაზე პრიორიტეტულ მიმართულებას და 4000-მდე, სირთულის მიხედვით სორტირებულ შეკითხვას. ტესტებში შემავალი კითხვები იყოფა 3 კატეგორიად და მინიჭებული აქვთ შესაბამისი ქულები. პროგრამა განახლებადია და დროთა განმავლობაში მოხდება როგორც მიმართულებების, ასევე შეკითხვების რაოდენობის დამატება.

ტესტების შესადგენად გამოყენებული იქნა საქართველოში არსებული სასწავლო-სამეცნიერო ლიტერატურა და ასევე, USAID/REAP პროექტის მიერ შექმნილი პროფესიული-საცნობარო მასალები  სოფლის მეურნეობის დარგის სხვადასხვა მიმართულებით.  

დარეგისტრირდით და გაიარეთ ტესტირება. გისურვებთ წარმატებას! 

პლატფორმის დეველოპერი:

გიორგი ხურციძე www.kusia.co